హ్యాండ్ లెటర్స్ ఎందుకు?

Send అనే ఒక్క బటన్ తో నువ్వు చెప్పాలనుకున్న మాటలన్నింటిని నీకు కావలసిన మనిషిచే చదివించగల సౌలభ్యం..
Dial అనే ఒక్క బటన్ తో ఎక్కడో సముద్రాలకి ఆవల ఉన్న మనిషితో సైతం మాట్లాడగల సౌకర్యం.. ఇలా టెక్నాలజీ అనే పేరుతో ప్రపంచం అరచేతుల్లోకి వచ్చి వాలినా సరే ప్రశాంతంగా ఒక చోట కూర్చుని ఒక కాగితంపై స్వయంగా మన మనసులోని మాటలని ఒక మనిషికోసం ఉత్తరంగా రాస్తున్నప్పుడు, రాసిన ఆ మాటలు చదువుతూ మనలో మనం పొందే అనుభూతి అమోఘం.

అంత అద్భుతమైనది అక్షరం..అంతకు మించి అందమైనది ఉత్తరం.
మనసులోని మాటని చెప్పడంకంటే గొప్ప కానుక ఇంకొకటి ఉండదు. కాలం మారినా,కాలంతో పాటు మనిషి మారినా..కాగితంపై రాసిన అక్షరం మారదు. అది చదువుతున్న మనిషి ముఖంలో అనుభూతి మారదు. ఎంత గొప్ప వస్తువును కానుకగా ఇచ్చినా దాన్ని తలదన్నే మరోకానుక మరుసటిరోజుకల్లా మార్కెట్లోకి వచ్చేస్తుంది. కానీ ఎప్పటికీ యెదలోతుల్లో ఉండిపోయేది చేతితోవ్రాసిన లేఖ. ఎదురెదురుగా లేకపోయినా ఒకరినొకరు చూసుకునేలా చేస్తుంది ఉత్తరం,నోరు తెరచి మాట్లాడకపోయినా చెప్పాలనుకుంటున్న విషయాన్నీ మాటలుగా మార్చుకునేలా చేస్తుంది అక్షరం..
రోజుకి వందల మెసేజిలు పంపించుకోవచ్చు, గంటల కొద్దీ ఫోన్లలో మాట్లాడుకోవచ్చు కాకపోతే ఆ వందల మెసేజిలలో గుర్తుండిపోయే జ్ఞాపకాలు ఎన్ని ఉన్నాయో చూసుకో ఒక్కసారి..! ఆ గంటలకొద్దీ మాట్లాడిన మాటలలో మనసుని తాకిన మాటని మళ్ళీ అలాగే అదే అనుభూతితో వినాలనుకుంటే సాధ్యమా?? ఆలోచించు ఈ సారి..!

“అదే ఒకరు మనకోసం రాసిన ఉత్తరాన్ని చదువుతుంటే…
అందులోని ప్రతి అక్షరం గుర్తుపెట్టుకునేదే.. ప్రతి మాట ఆ పంపిన మనిషి గొంతుతో మన మనసుని తాకేదే.. అది మొదటిసారి చదువుతున్నా వందో సారి చదువుతున్నా.. ఒకే అనుభూతి..” కానీ ఇప్పుడున్న గజిబిజి పరుగుల జీవితంలో ప్రతిరోజూ ఉత్తరాలు రాసుకోలేము కానీ ప్రత్యేకమైన రోజులకి కూడా మీకు ప్రత్యేకమైన మనుషులకి అందరిలా ఏ ఫోన్లోనో ఫేసుబుక్ వాట్సాప్పుల్లోనో మీరు అందరిలో ఒకరిలా wishes తెలపడం కంటే కనీసం ఆ ఒక్కరోజైనా మీ అభిప్రాయాన్ని మీ మాటలలో తెలుపుతూ ఆ మనిషి మీకు ఎంత ఇష్టమో ఆ సందర్భం మీకు ఎంత ముఖ్యమో నోరు తెరచి చెప్పకుండానే ఉత్తరంలోని మీ మాటల ద్వారా తెలియపరచడానికి ప్రయత్నించి చూడండి..!

నిజమే..! ఈ ఆలోచన బాగానే ఉన్నా కానీ కొందరు ఎలా రాయడం అనే సందేహంతో ఆగిపోతే మరికొందరు రాసే సమయం లేక పోస్ట్ చేసే వీలులేక ఆగిపోతుంటారు..అందుకే అలాంటివారికోసమే మా ఈ "కరపత్ర". ఈ కరపత్ర మీ భావాలని మా మాటల రూపంలో మీ మనిషికి చేరవేసే ఓ మధురమైన వారధి.. సందర్భం ఎటువంటిదైనా, మీరు చెప్పాలనుకున్న విషయం ఏదైనా దాన్ని మనసుకి హత్తుకునే లేఖగా మలచి మీకు కావలసిన మనిషికి చేరవేసే భాద్యత మాది. మా ఉత్తరాలని ఇండియన్ పోస్ట్ సర్వీసు ద్వారా పంపడం జరుగుతుంది. ప్రేమలేఖలు..క్షమాపణ లేఖలు.. శుభాకాంక్షలు..ఆహ్వాన లేఖలు.. ఇలా సందర్భం ఏదైనా సరే,ఒకవేళ మీరు అనుకుంటున్న విశేషం పై లిస్టులో లేకపోయినా మాతో సంప్రదిస్తే మేము మీకు నచ్చిన విధంగా లేఖలు రాయడానికి ప్రయత్నిస్తాము.

ఆలోచించండి..!
ఒక కాగితం,పది మాటలు... కేవలం ఇవి చాలు.. మీ జీవితంలోని ఒక రోజుని ప్రత్యేకంగా మార్చగలవు అని నమ్మితే మమ్మల్ని సంప్రదించండి.ఎందుకంటే మీరు పంపుతున్నది కేవలం చించేస్తే చిరిగిపోయే ఒక మామూలు ఉత్తరం కాదు,బ్రతికున్నంత కాలం దాచిపెట్టుకోగల తీపి జ్ఞాపకం.